Your Words is your soul Emotions

i can’t fly or not deny i just try to find better part on me

دى كانت بداية أغنية أجنبية كتير مننا فى العالم وفى اى مكان واى زمان بيعيش الجملة دى انا واحد من الناس دى هكتب الى عندى والى حاسس بيه والى شايفه وكل واحد يكتب قصته

انا واحد زى اى شاب فيا من الخصال الحميدة والقبيحه القيمة والهبلة بس لو رجعت بالزمن ورا وبصيت على نفسى هلاقى انى كنت شاب مثالى من البيت للمدرسة للدرس مافيش لعب مافيش وقت للمرح حتى وقت المرح بتاعى كان مجرد تمرين وقراية او اقعد مع نفسى احلم عدت الايام وانفصلت عن البيت بعد ماكان كل حياتى البيت ومكانش ليا اصحاب دخلت المدرسه بقى ليا اصحاب ومبقاش فيه بيت طلعت من المدرسه طيب انا معايا ايه دلوقتى اخدت ايه منهم اخدت حاجات كتير أثرت فى بعض الناس واتاثرت ببعضهم دخلت الجامعه شوفت الحقيقه والواقع وعرفت ان الاحلام صعب تحقيقها فى الوقت الحالى وبدئت اشك فى نفسى وافقد الثقة ومبقتش عارف انا كويس ولا وحش صح ولا غلط بدئت ابص لنفسى مبقتش شايف غير كل حاجه وحشه مبقتش شايف غير راية سودة مافيهاش امل ولا خير وفى نفس الوقت بحارب علشان اعرف انا مين وانا ليه اترتب عندى افكار ومبادىء وايمانى بالأشياء اتغير الاول كان فيه تفكير دلوقتى التفكير اصبح شبه معدوم بقى فى حالة ياس بقى فى حالة خوف بقى فيه انعدام فى الرؤية طيب نعمل ستوب ونقارن نفسى بالو مخرجت من البيت واقارن نفسى بدلوقتى مش هبص على الطريق الطريق فى حاجات كتير لكن انا هبص دلوقتى على البداية والنهاية البداية مجرد طفل حساس ساذج نتيجة لانه متعاملش مع الحياه وميعرفش لسه اى حاجه مجرد اكل كويس وتليفزيون واطفال زيه يلعب معاهم بتنتهى اماله عند كده طيب والشاب الجديد شاب غبى يائس مالوش هدف مالوش قيمة ومالوش وجود الاول كان فيه طفل فى امل منه انه لما يكبر هبعمل حاجه لكن الشاب ده كبر خلاص هنجيب منين امل تانى بعد ماكبر واترتبت عنده افكار ومبادىء مستحيل تتغير واتولدت صور عنده للحياة بقى بيمشى على اساسها طيب ايه الحل انا مش عارف بسكل الى اقدر اقوله دلوقتى انى تعبان اوى وعاوز اموت علشان زهقت من الدنيا دى وكل مافكر فى نفسى وفى الى عملته بقول ياليتنى كنت ترابا وانا مؤمن بيها مش مجرد كلمة اتمنى ان الرسالة توصل وكل واحد يبص لنفسه ويعرف هوه على ايه وكان ايه علشان نشوف كلنا هنمشى اذاى بعد كده ومتنسوش اننا كلنا فى مركب واحده الى فاكر انه لوحده وهيمسك ملكوت السما والأرض زيه زى المرشحين بتوعنا فى الانتخابات محدش فيهم هيعمل حاجه ولا الى ماسكنا عمل حاجه ربنا يهدى الجميع

امبارح عرفت ان فى طالب من المدرسه اصغر منى بسنتين توفى بس متوفاش وفاة طبيعية لقوه مطعون على محطة القطر ولما سألت على الى حصل لقيت ان نفس الموضوع الغبى الى كان بيحصل ايام مانا كنت فى المدرسه المدير الغبى المتهكم يصدر فرار ان مافيش اى طلبه هتقعد فى المدرسه فى الاجازه ومعرفش ايه السبب بس المهم ان الطالب روح بس يظهر ان والده كان مخنوق منه فى البيت فيرجع تانى للمدرسه وهوه زعلان بس يلاقى نفسه مش مرغوب فى المكانين الى هوه ميعرفش غيرهم يعتبر بيته معرفش ايه الى حصل وادى انه يموت مطعون بس من الواضح اوى انه اختار البيت التالت الاخره اتمنى من ربنا انه يكون فى الجنة لكن الى عرفته ان حتى المدرسين كانو بيخنقو عليه فى الامتحانات والى يقوله انه هيصقته والى يرميله الشغله بتاعته ويقوله مش نافع وكله كان مضطهده وكان بيحاول يدور على اى صديق كبير يخفف عنه الا انه ملقاش كل الناس مشغوله بنفسها وفى مشاكلها ربنا مع الجميع بس تخيل صدمة الناس لما عرفت انه مات وكل واحد عمل معاه حاجه وحشه لما يفتكره ياترى هيقول على نفسه ايه وياترى هيحس بايه ياريت ياجماعه نحاول نحس بالناس لان فى ناس مننا بتموت كل يوم فى نفسها ولو شوفتها تلاقيها سعيده الا انها ميته وحزينه ياريت نقرب من بعض اوى ونحاول نحس ببعض علشان يبقى فيه مودة ورحمة وطلب اخير انكم تدعوله بالرحمة والجنه وانه يحسن ختم حياتنا

أثبتت الأبحاث العلمية على كل من فأرين التجارب ايمن ووائل انه مينفعش تذاكر فى كلية وانت مجنون وهاوى كومبيوتر وبما اننا شارفنا على الهاوية وهنقع من فوق الجبل فقد قرر وائل الفار الكبير انه هيبعد عن الكمبيوتر الشهر ده علشان ميصقتش وكذلك الفار الصغير ايمن ” ايمان ” وهنذاكر علشان مصقتش لانى متعودتش انى افشل ولو فشلت السنادى هفشل طول حياتى علشان ده تحدى ليا وقد قررنا نحن هيئة علوم البحث العلمى النفسى الفسيولوجى فى البطيخ اننا سنترك الكمبيوتر لمدة شهر الى انتهاء الامتحانات وانتظرو عودتنا بقوة بعد اثبات انفسنا فى الكلية وادعولنا بالتوفيق يارب ولكل شباب وبنات المسلمين ولواحد صاحبى اسمه محمود جلال الويشى ربنا يهديه وامير وعبده وواحد بيصحينى من النوم اسمه اشرف ايمن سلام

احساس جميل اوى انك تعمل اى حاجه فى اى وقت فى اى مكان من غير ماتهتم ايه الحاجه دى لكن تكون فى نطاق الاحترام لانه لو حاجه تانيه غير كده او هتضر بيها ناس غير نفسك يبقى اسمه فجر يعنى النهارده ايمن جه هوه غبوشى يصحونى لان حصلت خناقة كبير بين محافظة بورسعيد الى احنا  مقيمين فيها حاليا ومحافظة الاسماعليه الى كنت مقيم فيها قبل كده  الخناقة حصلت بسبب الكورة والتعصب الكروى الغبى ووصلت لان فى ناس اتقتلت وناس كتير ماتت واضررت بسبب الحوار ده والى بيضايقنى اوى لانه بيفكرنى اد ايه فى لسه ناس همج مبيقدروش معنى الحياه واد ايه فى ناس هتزعل نتيجة لموت الشخص ده الاول كانت عندى شراهة كبيرة للموت ولدم بس مع الوقت والمواقف والتفكير الحمد لله الواحد ربنا هداه المهم انى نزلت معاهم وعلى اساس انى هلاقى البلد مولعة وهننزل نضرب وانا كنت متحمس اوى علشان اشوف الناس الهمج دول الى مبيقدروش الحياه علشان اوريه الموت بجد بس ملقيناش حاجه والبلد كانت فاضيه المهم نزلنا اتمشينا وروحنا البحر واحنا فى طريقنا للبحر غبوشى سأل معنى كلمة “يبرطع” المهم انى شرحتهاله انك تبقى ممدد ومسترخى اوى وفى الهزار نمت فى نص الطريق  بس لما نمت حسيت احساس جميل اوى احساس بالحريه وانك مش خايف من حاجه بس ببص ورايا لقيت عربيه جايه فقومت جريت طبعا الحاجه المهمه هنا ان فى ناس ممكن مترضاش تعمل كده بتبقى معقدة بعض الشىء الا انها حاجه جميله وعلشان تحس بالامان لازم تأمن . المهم بعد كده روحنا البحر واسترخينا قدامه وهزرنا واتحدينا بعض ولعبنا ورجعنا طول الطريق بنضرب فى بعض طبعا لغاية ماروحنا البيت الفجر وكل واحد فينا بيعمل الى هيعمله وانا قعدت ادون الى حصل ودلوقتى الساعه 5.04 صباحا وهبدأ اذاكر للصبح علشان اروح الجامعه

* لو واحد مات وهوه بيجرب ينام فى الطريق انا مش مسئول عنه 

سلام

صباح زى العسل لما تقوم من النوم الصبح وتطلع فى البلكونه وتشم هواء نقى جميل وتشوف الجو لسه رطب والشمس بتبتدى تشرق وتخش الحمام تغسل وشك وتتوضى وتصلى وان كنت تشرب مية وبعد كده تطلع على الى انت عايش معاهم ترخم عليهم وتصحيهم وممكن فى حالة زى حالتى يقومو يضربونى بس ماعلينا زى مانتو عارفين انا زى الحيطه لا بتقع ولا ايمن بيبطل يضرب دماغه فيها وبعد كده تطلع على المطبخ او على التلاجه حسب ظروفك ممكن تلاقى حاجه وممكن يطلع نابك على شونة المهم انك هتبتدى الجمجمة تشتغل وتشوف انت هتعمل ايه باقى اليوم ياحلو ممكن تنزل الجامعه او الشغل او النادى لو انت راجل رياضى كح كح كح فين ايام الشباب يالا اشوفكم على خير المره الجايه مع صباحك عسل وخليك فاكر لو سمعت صوت واحد بيصرخ وهوه محدوف من البلكونه او الشباك اعرف انه انا ههههههههه سلام

انا عاوز اعتذر قدام كل الى هيخش المدونه دى لشخص مهم فى حياتى اسمها فاطيمة وهيه زى اختى الصغيره لانى عملت معاها موقف وحش وهوه انى مثلت عليها فى مره وانا بكلمها فى محادثه انى سكران وشارب مخدرات ده كان بهدف انى بهزر معاها لكن يظهر انى غلطت وانا مهما قولت مافيش مبرر ليا وغلطان مليون فى الميه وبعتزرلها تانى واتمنى انها تسامحنى وترجع تكلمنى تانى هوه الحقيقه اننا بنتخانق على طول كل كلامنا خناقات مع بعض وانا بخنق عليها طول الوقت ومافيش ثانيتين نتصالح ونرجع نتخانق تانى لكن الحقيقه انه بيفضل نفس المبدا من جوايا انى بحبها وعمرى مكرهها مهما عملت ومحتاجها فى حياتى على طول وعمرى مزهق منها وانا متأكد انها نفس المبدا ومش هقول ياريت مافيش اى حد يزعل من التانى او من اى شخص يعرفه لان من المستحيل ان ميحصلش مشاكل او اى خناقة لكن المهم ان الاساس صافى .

hi it’s not the first time for me to writing but it my first time i write in that style and in that time of my life and in that situation i am sorry i write English but i like that language really it make me free to say what i wanna to say , make me feel every word i say like i life it

so on i will write every thing in my stupid head and you all too , all my life i like life alone and hope to complete as that way but i show the truth it’s not good actually i see it after i lose someone I’m really missed him and hope back to me so, okay hey i listen someone say that is not our subject but I’m not with you my friend the objective of that blog is that you can write what you want what you feel , any stupid or amazing idea any problem in your life any message you wanna send to someone any song any advice any experience Anything Anything whatever that thing you can write it in that blog and you can say to the world I’m here I’m free I’m not fear of anything i can say what i wanna say i can do what i wanna do ya my friends that was the objective of that blog and i sure there is too many people need that world to communicate with each other and make a bond you can Depends on that Bond

plz help me to make that world and if not anyone help me i will walk alone on that way and i will find people need to communicate like me

salam